Жаза басып, жаңылғандар қоғамнан шет қалмауы тиіс. Олар да осы елдің азаматтары. Темір тордың арғы жағында отырса да, жарқын сәттердің куәгері болуға құқылы. Дәл осы тұста қылмыстық атқару жүйесі департаментінің №37 қауіпсіздігі барынша төмен мекемесінде жазасын өтеушілеріне арналған мерекелік кеш өтті.
Жазасын өтеушілердің тәрбие жұмысын жандандыру, олардың бос уақытын тиімді ұйымдастыру мақсатында Шиелі ауданының құрылғанына 95 жыл толуына орай аудан өнерпаздары №37 мекемеде «Маржаны Сырдың-Шиелім» атты концерттік бағдарлама ұйымдастырды. Аталған іс-шараға мекемедегі барлық жазасын өтеушілер қатыстырылды. Жанарларын төрт қабырғадан бір сәт арылтып, ерекше әсер алған жазасын өтеушілердің көздерінде бір үміт оты жанғандай болды.